مرحباً بكم في منتديات الزومة منارة الفقرا ، نعلم أنه وعندما يصمت اللسان ويطلق للقلم العنان ليعبر عن خفايا النفس ومكنوناتها ، نرى إبداع الخالق فينا ، وعندما تكتبون نرى الإبداع الحق والمواهب المصقولة . . نرى الفنون والجمال الذي تخطه أياديكم كلمة الإدارة


الزومه وحصاد التمر [ الكاتب : محمدعبدالباقي احمدعلي - آخر الردود : عثمان عبدالله عبدالقادر - عدد الردود : 2 - عدد المشاهدات : 74 ]       »     سوق الحمير بأمدرمان [ الكاتب : ابراهيم الصيني - آخر الردود : زومابيه وافتخر - عدد الردود : 1 - عدد المشاهدات : 53 ]       »     تعالو نمشى سوق الزومه [ الكاتب : احمد سيداحمد ودحليب - آخر الردود : صديق ترو ودمقاشى - عدد الردود : 5 - عدد المشاهدات : 122 ]       »     الي رحاب الله المبارك الروحاني [ الكاتب : ابراهيم الصيني - آخر الردود : صديق ترو ودمقاشى - عدد الردود : 11 - عدد المشاهدات : 106 ]       »     بعضاً من نعم الله على العباد ورحمته وفضله [ الكاتب : عمار محمد عمر محمد - آخر الردود : عمار محمد عمر محمد - عدد الردود : 11 - عدد المشاهدات : 154 ]       »     نجوم من بلادي [ الكاتب : احمد سيداحمد ودحليب - آخر الردود : عباس محمد أحمد عباس - عدد الردود : 50 - عدد المشاهدات : 816 ]       »     نتشه كدة [ الكاتب : عمر ابن ادريس - آخر الردود : عمر ابن ادريس - عدد الردود : 3 - عدد المشاهدات : 103 ]       »     يوم عرفة [ الكاتب : محمدعبدالباقي احمدعلي - آخر الردود : محمدعبدالباقي احمدعلي - عدد الردود : 0 - عدد المشاهدات : 16 ]       »     الزومة الماضي الحاضر والمستقبل [ الكاتب : حسن طه الملك العوني - آخر الردود : حسن طه الملك العوني - عدد الردود : 40 - عدد المشاهدات : 1810 ]       »     تعالوا ادوا الغُبُش طله (صور من بلادي) [ الكاتب : ابراهيم الصيني - آخر الردود : خلف الله طمبل يوسف - عدد الردود : 25 - عدد المشاهدات : 501 ]       »    


 
  تصميم الذيب العربي
العودة   .:: منتديات الزومة منارة الفقـرا ::. > المنتديات العامة > منتدى الفكر والحوار العام
تصميم الذيب العربي
 
     

منتدى الفكر والحوار العام للنقاش الهادف والبناء والمواضيع العامه.

الإهداءات
إضافة إهداء
إضافة رد
 
 
 
أدوات الموضوع انواع عرض الموضوع
قديم 04-28-2013, 01:08 PM   المشاركة رقم: 1
المعلومات
الكاتب:
امير رزق
اللقب:
زومابي يعشق الزومة
الرتبة:
الصورة الرمزية
 
الصورة الرمزية امير رزق

البيانات
التسجيل: Jan 2008
العضوية: 87
المشاركات: 217 [+]
بمعدل : 0.09 يوميا
اخر زياره : [+]
معدل التقييم: 7
نقاط التقييم: 10
امير رزق is on a distinguished road
 

الإتصالات
الحالة:
امير رزق غير متواجد حالياً
وسائل الإتصال:

المنتدى : منتدى الفكر والحوار العام
افتراضي السرطان فى الولاية الشمالية فى نادى الزومة 1


وهذه مقابلة مع الدكتور قبل سنتين من الان:-

الحقيقة السرطان هو عبارة عن ورم في اى جزء من جسم الإنسان ممكن يحصل وينمو سريع خلاف الورم الحميد فالورم الحميد دائما ينمو ببطء وحجمه لا يزيد بسرعة الورم السرطاني دائما بينمو سريع ويستطيع الانتشار عن طريق الأوعية الدموية وعن طريق الأوعية اللمفاوية في باقي الجسم يعنى ممكن يؤثر على الغدد اللمفاوية القريبة منه وممكن ينتشر عن طريق الدم الى أجزاء أخرى من الجسم في الرئة والكبد والعظام دي مشكلته عشان كدا هو بيؤدى الى مشاكل وقد يؤدى الى الوفاة أحيانا في حين انو الورم الحميد صغير عادة وبينمو ببطء شديد ولا ينتشر ، السرطان تقريباً ممكن يصيب كل أجزاء جسم الإنسان لكن في أجزاء تصاب أكثر من الأجزاء الأخرى

نحن حقيقة في النساء عندنا أكثر السرطانات هي سرطان الثدي من سنة 1967 تاريخ إنشاء مستشفى الذرة بالخرطوم وكانت نسبة سرطان الثدي تتراوح بين 29 – 35% من السرطانات ودا ما زال أكثر السرطانات حدوثاً يعنى بيكون حوالى ثلث الحالات التي عند النساء بعده طوالى بيجى سرطان عنق الرحم وهو يتراوح بين 12 – 15% ومع بعض لما نجمعهم نلقاهم بيكونوا 50% من السرطانات عند النساء يعنى لو استطعنا انو نسيطر على سرطان الثدي وسرطان عنق الرحم عند النساء في السودان نكون سيطرنا على 50% من السرطانات باقي السرطانات كلها في النساء بتتراوح بين 2ونصف الى ثلاثة ونصف في المائة يعنى ما كثيرة نحن دائما بنركز على سرطان الثدي وسرطان عنق الرحم والوضع دا بيشبه سرطان الثدي في شمال أفريقيا دائما أكثر وسرطان عنق الرحم في أواسط وجنوب أفريقيا أكثر يعنى نحن ماخدين حاجتين حاجة من الشمال هي سرطان الثدي وماخدين من أواسط وجنوب أفريقيا سرطان عنق الرحم

يعنى هو حاجة عالمية سرطان الثدي عالمياً امكن يكون من أكثر السرطانات حدوثاً بعد الرئة في بعض أجزاء العالم نحن هنا ذي ما قلت ليك نشبه شمال أفريقيا امكن عندنا سرطان الثدي أكثر وتانى طوالى سرطان عنق الرحم لو مشيت الدول العربية الثانية بتلقي سرطان عنق الرحم ما كثير عندهم نحن كثير عندنا لأنو نحن جزء من الافركان في وسط السودان وجنوب السودان وبتالي امكن ى السرطانات الكثيرة نحن الحقيقة المهددات بالنسبة لنا هي عدم الوعي وعدم المعرفة يعنى نحن ما زلنا في السودان عندنا ناس ما بيعرفوا ما هو السرطان يعنى نحن عملنا دراسة في الشمالية وجدنا 5% من النساء لا يعرفوا السرطان هو شنو وفى شرق السودان 15% من النساء لم يسمعوا بالسرطان يبقى مجهود كبير جدا لازم يتعمل التوعية أول حاجة لازم الناس يعرفوا ما هو السرطان وفى كثير من المعتقدات الخاطئة وسط النساء يعنى نحن جينا سألنا في الشمالية سألنا مجموعة من النساء عن انو إذا حسيتي بورم في الثدي بتفتكرى هو شنو فـــ 70% بفتكروا انو كيس دهني ودا طبعا اعتقاد خاطىء لأنو أورام السرطانات في بدايتها ما بتكون مؤلمة وبتالي هم بيقولوا كيس دهني عشان كدا لا يشتغلوا به كثير نحن بنفتكر انو اى ورم في الثدي يجب الاهتمام به خاصة الأورام التي تحصل بعد سن انقطاع الدورة وهى في الغالب تكون سرطانات قبل سنين انقطاع الدورة بتكون في أورام حميدة كثيرة بتحصل في الثدي وما اى ورم معناه سرطان يعنى المريضة ما تبقى مريضة ودكتورة في نفس الوقت يعنى اى واحدة تحس بي ورم لو بتمشى تكشف وياخدوا عينة ويتأكدوا من نوعها شنو أحسن من الواحدة تقوم تشخص تقول دا كيس دهني ولا يؤلمني وتصهين والحاجة الثانية التي تخليهم ما يحضروا للدكتور الخوف من إنهم يمشوا ويقوموا يزيلوا لهم الثدي دا سبب كبير جدا من نسوان كثر بيعرفوا انو عندهم حاجة حاسنها الواحدة بينها وبين نفسها عارفة انو ممكن تكون حاجة سرطانية وهى خائفة تمشى يقوم يقول لها انو عندك الحاجة دي يسموها لها لأنو المرض سمعته سيئة وبعدين يقوموا يعملوا لها إزالة ثدي الحقيقة نحن دائما بننبه الناس انو لو بتحضر بدري يعنى لو ورم صغير اقل من أربعة لخمسة سنة ممكن يزال تحت جراحة وإعطاء علاج بالإشعاع وعلاج كيميائي وتتفادى إزالة الثدي فدى محاسن من المشي مبكراً للأطباء والتشخيص المبكر في أطوار التي يكون حجماً صغير وما انتشر فالواحدة لا تفقد ثديها فدى مهمة جدا لازم الناس يعرفوها يعنى الواحدة لو بتجى بدري ما بالضرورة يشيلوا لها الثدي ممكن يتعالج بعملية بسيطة وتاخد إشعاع وما يحصل لها حاجة كلما الورم يزداد كلما ينتشر في الغدد تحت الإبط ويبقى في الطور الثالث أو ينتشر لباقي الجسم ويبقى في الطور الرابع ويبقى علاجه صعب عشان كدا أهمية الكشف المبكر بالنسبة لسرطان الثدي

دا سؤال جيد الحقيقة هو سرطان عنق الرحم كما ذكرنا هو السرطان الثاني يصيب النساء في السودان وللأسف الشديد امكن حوالى 80% من الحالات بتجى في أطوار متأخرة وبالرغم من انو هو أعراضه النزيف والافرازات المتكررة لحدي ما تعمل رائحة لكن هو عادة بيحصل في النساء كبيرات السن بعد انقطاع الدورة بيخجلوا انو يمشوا للدكتور يقولوا عندنا نزيف عندنا افرازات ومرات لحدي ما الواحدة تطلع منها رائحة والأهل يقوموا يمشوا يشوفوا الحاصل شنو وبعداك تجى للعلاج 70% من النساء ديل لما يجونا بيكون عندهم نزيف أكثر من ثلاثة شهور مع العلم انو في العادة الإنسان لما يحصل له نزيف من اى جزء في جسمه حقوا شوية يخاف ويقوم يمشى للطبيب لكن دا ما حاصل عندنا فيبقى الاهتمام بالافرازات المتكررة والنزيف بالنسبة للنساء اللائي انقطعت منهم الدورة والنزيف بين الدورة والدورة بالنسبة للذين ما زالت بتجيهم دي حاجة مهمة جدا الذهاب للطبيب مبكراً والكشف المبكر لسرطان عنق الرحم في مراحله الأولية علاجه ساهل جدا ويمكن الشفاء منه الأهم من كدا مفروض اى امرأة متزوجة تعمل حاجة اسمها مسحة عنق الرحم هي عملية بسيطة جدا ما فيها بنج يعنى الواحدة ترقد وتضع لها قطعة بلاستيك في عنق الرحم بيلفوها بتشيل خلايا لا تحتاج الى بنج ولا تاخد أكثر من خمسة دقائق وغير مؤلمة ويضعوها في شريحة ويفحصوها تحت المايكرسكوب وتوضح التغيرات الأولية التي تحصل في الخلايا وسرطان عنق الرحم دا بياخد ذي عشرة سنة من الخلية تكون طبيعية تتحول الى سرطانية في العشرة سنة دي بتطلع خلايا من عنق الرحم ممكن تشيلا وتكشفا وتكتشفوا في مرحلة قبل ما يبقى سرطان وممكن تزيل الخلايا دي بطرق كثيرة وتمنع حدوثه مثلا في الدول الاسكندنافية الناس نقصوا نسبة الإصابة بسرطان عنق الرحم بأكثر من 80% فنحن بننصح انو النساء يعملوا مسحة عنق الرحم

هو مفروض اى واحدة متزوجة بعد سنتين من الزواج تبدأ تعمل مسحة عنق الرحم في الدول المتقدمة بيعملوها مرة كل سنتين طبعا في دول ذي دولنا دي ما بتقدر تقول كدا حسب هيئة الصحة العالمية على الأقل مرة كل خمسة سنوات يعنى لو عملناها كل خمسة سنوات لكل النساء في السودان حننقص نسبة الإصابة بأكثر من 50% ولو عملناها مره في العُمر بتنقص نسبة الإصابة بــ 30% المؤسف انو ما في فهم للقصة دي يعنى وعى النساء بمسألة عملية مسحة عنق الرحم ما كثيرة يعنى ما بيحضروا ويسألوا يقولوا نحن عايزين مسحة عنق الرحم بالرغم من انو في مراكز بتعمل مسحة عنق الرحم

هذا من لقاء مع( دكتور/ كمال حمد محمد منان الأستاذ المشارك لعلاج الأورام والطب النووي بكلية الطب جامعة الخرطوم ومستشفى الذرة) فى برنامج عيادة على الهواء فى الاذاعة السودانية حلقة يوم 17\6\2011م



hgsv'hk tn hg,ghdm hgalhgdm kh]n hg.,lm 1












توقيع : امير رزق

منادي الشوق ينادي داير أرجع لي بلادي
أحكي للطيبين وأغني أنسى ألامي وسُهادي
أصلي ما كان في مُرادي يوم أفارق داري غادي

أهجُر الأوطان وأسافر بالسنين يبقى إبتعادي

عرض البوم صور امير رزق   رد مع اقتباس
 
     
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


احصائيات منتديات الزومة ( منارة الفقرا ) في رتب

ترتيب الموقع عالميآ



الساعة الآن 07:10 AM.


Powered by vBulletin® Version 3.8.4
Copyright ©2000 - 2014, Jelsoft Enterprises Ltd.

 
 
تصميم الذيب العربي